سەرۆکی پەرلەمانی عێراق بەبۆنەی کۆچی دوایی میر تەحسین بەگ، میری ئێزدییانی کوردستان و جیهان پرسەنامەیەک ئاراستەی کوردانی ئێزدی دەکات.



لە پرسەنامەکەدا، محەمەد حەلبووسی، سەرۆکی پەرلەمانی عێراق رایگەیاندووە، میر تەحسن ”كەسایەتیەكی دانا و خاوەنی هەڵوێستی نیشتمانی“ بوو.



ئەمڕۆ دووشەممە 28-1-2019، میر تەحسین بەگ لە نەخۆشخانەیەکی ئەڵمانیا لە تەمەنی 86 ساڵیدا، کۆچی دوایی کرد.



دەقی پرسەنامەكەی حەلبووسی:



بەخەم و پەژارەیەكی زۆرەوە و دوای ڕازیبوون بە قەدەری خوای گەورە، هەواڵی كۆچی دوایی میر تەحسن بەگ میری ئاینی ئێزیدی لە عێراق و جیهان و سەرۆكی ئەنجومەنی رۆحانی ئێزیدیمان پێگەیشت.



بەو هۆیەوە پرسە و سەرەخۆشی خۆمان ئاراستەی رۆڵەكانی پێكهاتەی ئێزیدی دەكەین بەهۆی كۆچی دوایی میر تەحسن بەگ كەسایەتیەكی دانا و خاوەنی هەڵوێستی نیشتمانی و پەرۆش بۆ یەكێتی گەلی عێراق بەهەموو پێكهاتەكانیمان لەدەست دا.



لە خوای گەورە داواكارین بەر رەحمەتی خۆی بخات، و سەبوری كەسوكار و خۆشەویستانی بدات.

انا لله وانا الیه راجعون



==========

نوسینگەی ڕاگەیاندنی

سەرۆكی ئەنجومەنی نوێنەران

28 كانونی دووەمی 2019











باسيوز