دوای ماوەیەک لە داخستنی بەهۆی نۆژەنکردنەوەی، سبەی تونێلی دەربەندیخان بەڕووی شۆفێران دەکرێتەوە.



لەماوەی ڕابردوودا خراپیی شەقامی تونێلەکە گلەیی و ناڕەزایی شۆفێرانی سنوورەکەی لێکەوتەوە و دواتر شارەوانیی شارەدێیەکە بڕیاری نۆژەنکردنەوەی تونێلەکەی دا و بەوهۆیەوە لە ڕێککەوتی(٢١-١-٢٠١٩) تونێلی دەربەندیخان بەڕووی شۆفێران داخرا.



لە ڕاگەیەندراوێکی بەڕێوەبەرایەتی پۆلیسی هاتووچۆی شارەدێی دەربەندیخاندا کە ئەمشەو بڵاوکراوەتەوە و وێنەیەکی بۆ(باسنیوز)نێردراوە هاتووە"سبەی یەکشەمە (٢٧-١-٢٠١٩) کاتژمێر ( ۹ ) بۆ ( ۱۰ )ی پێش نیوەڕۆ تونێڵی دەربەندیخان دەکرێتەوە و هاتووچۆ پێیدا ئاسایی دەبێت".

basnews -