رێڤەبەرێ‌ گشتیی یێ‌ كاروبارێن ئێزدیان ل وەزارەتا ئەوقاف وكاروبارێن ئاینی هەرێما كوردستانێ‌ دیار كر ((فەقیر حەجی )) كەسایەتیەكێ‌ پێشچاڤ یێ‌ ئولا ئێزدیان ل ناحیا باعەدرێ سەر قەزا شێخان ڤە وەغەرا دوماهیێ كر".

خەیری بۆزانی، رێڤەبەرێ‌ گشتیی یێ‌ كاروبارێن ئێزدیان وەزارەتا ئەوقاف وكاروبارێن ئاینی هەرێما كوردستانێ‌ دیار كر: "ب مخابنی ڤە كەسایەتیێ پێشچاڤ دناڤ ئاینێ ئێزدیاندا فەقیر حەجی وەغەرا داویێ كر. فەقیر حەجی ل سالا 1928 ل گوندێ كابارا ناحیا باعەدرێ سەر قەزا شێخان ڤە ژ دایكبوویە وگەلەك خزمەتا ئاینێ ئێزدیان دهەموو وارەكی دا كریە. بتایبەتی ژی گەلەك خزمەتا پەرستگەها لالش كریە و دناڤ كوردێن ئێزدی دا كەسایەیتی پێشچاڤ بوویە".



فەقیر حەجی‌ ل پەرستگەها لالش پێشكداری د گێرانا ریێ ورەسمێن ئاینی‌ دا دكر. هەروەسا ژی پشكداری‌ دگێرانا تاووسی دا دكر ل گوند و دەڤەرێن ئێزدیان وگەلەك خزمەتا پەرستگەها لالش كریە. ئەڤرۆ 26/1/2019 ل ناحیا باعەدرێ فەقیر حەجی وەغەرا دووماهیێ كر.












باسنیوز