بەرپرسی لقی پارتی لە ئامێدی گوتی، بەداخەوە پەكەكە بەردەوام كێشە دروست دەكات و ئەم جارەش بە ھۆی ئەوانەوە دوو ھاووڵاتی شەھید بوونە و چواری دیكەش ونن، كە تا ئێستا بە دوایاندا دەگەڕێین.

عومەر ئورەیی، بە ماڵپەڕی فەرمیی پارتی دیموكراتی كوردستانی ڕاگەیاند: "ئێمە بە توندی ئیدانەی كوشتنی ھاووڵاتیانی سڤیل دەكەین  و ئەمە زوڵمێكە لە خەڵكی ئەو ناوچانە دەكرێت، بە ھۆی ئەوانیشەوە لەو بۆردوومانەی دواییدا دوو كەس شەھید بوونە و چوار كەسی دیكەش ونن، كە تا ئێستا بە دوایاندا دەگەڕێین".

ئورەی گوتیشی: "چەندین جار داوامان لە پەكەكە كردووە خۆیان لە ئێمە بە دوور بگرن، بەڵام ئەوان خەمی كوشتنی كەسیان نییە، ئەمەش بووەتە ھۆی ترس و دڵەڕاوكێیەكی زۆر لای خەڵكی ئێمە".

دەشڵێ: "بە ھۆی ئەو بۆردوومانانەوە، لە سنووری ئێمە تاوەكو ئێستا نزیكەی ٢٠ كەس شەھید بوونە".
kdp-