بەڕێوەبەرایەتی هاتوچۆی پارێزگای هەولێر، ڤیدیۆی ساتی ڕووداوێکی هاتوچۆی لە شەقامی 100 مەتری شاری هەولێر بڵاو کردەوە.

فازڵ حاجی گوتەبێژی هاتوچۆی هەولێر لە هەژماری فەرمی خۆی لە تۆڕی کۆمەڵایەتیی (فەیسبووک) ڤیدیۆی ساتی ڕووداوەکەی بڵاو کردووەتەوە، کە نیوەڕۆی دوێنێ چوارشەممە 23/1/2019، بەهۆی هەوڵی پێچکردنەوەی نایاسایی ئۆتۆمبێلێکی تاکسی ڕوویدا.

گوتەبێژی هاتوچۆی هەولێر ڕای گەیاندووە: "له‌سه‌ر شه‌قامی 100 مەتری له‌نزیك قوتابخانه‌ی ئه‌حمه‌دی خانی، نیسان سه‌نییه‌كی تاكسی هه‌وڵیدا له‌شوێنێک پێچ بکاتەوە، بەڵام له‌وكاته‌ له‌لای ناوه‌راستی رێگایه‌كه‌ بووه‌ و به‌بێ سه‌یركردن یه‌كسه‌ر رێڕه‌وی گۆڕی و كه‌وته‌ سه‌ر رێره‌وی پیكابێك ئه‌ویش خۆی پێداکێشا و ئەمەش بووە هۆی كۆنترۆڵ له‌ده‌ستدانی تاكسییه‌كه‌ و چوونی بۆ دیوه‌كه‌ی تری شه‌قام، له‌وێش بارهه‌ڵگرێك خۆی پێداکێشا و وخستییە سه‌ر رێڕەوی ئۆتۆمبێلێکی تر و ئه‌ویش خۆی پێداکێشا".

ڕوونیشی کردووەتەوە، له‌ئه‌نجامی رووداوەکە زیانی گیانی نه‌بووە، بەڵام زیانی ماڵی زۆر به‌ر هه‌ر پێنج ئوتومبێلەکان كه‌وت.










باسنيوز