له‌ سنووری ئامێدی رایگه‌یاند، ئێواره‌ی ئه‌مڕۆ فڕۆكه‌ جه‌نگییه‌كانی توركیا ده‌ستیان به‌ بۆردومانكردنی بنكه‌ و باره‌گاكانی پارتی كرێكارانی كوردستان "په‌كه‌كه‌" له‌ ناوچه‌ سنوورییه‌كانی سه‌ر به‌ ده‌ڤه‌ری ئامێدی كردووه‌ و، له‌و بۆردومانه‌شدا 4 هاووڵاتی سڤیل له‌ "گه‌لی ره‌شاڤا" له‌ سنووری ناحیه‌ی دێره‌لوك شه‌هید بوون.

كه‌س و كاری ئه‌و هاووڵاتیانه‌ی له‌ بۆردومانه‌كه‌دا شه‌هید بوون،، تائێستا ته‌رمی دوو له‌ شه‌هیده‌كان دۆزراونه‌ته‌وه‌ و دووی دیكه‌ش هێشتا ته‌رمه‌كانیان نه‌دۆزراونه‌ته‌وه‌، وه‌ك راشگه‌یه‌ندراوه‌، سه‌رجه‌م ئه‌و هاووڵاتیانه‌ی شه‌هید بوونه‌، سه‌ر به‌ عه‌شیره‌تی "رێكانی"ـنه‌.

به‌گوته‌ی چه‌ند شایه‌تحاڵێكیش، جگه‌ له‌و 4 كه‌سه‌ی شه‌هید بوونه‌، كه‌سێكی دیكه‌ش بێسه‌روشوێنه‌ و تائێستا سۆراخی نازانرێت.

وه‌ك ئاماژه‌شیان پێداوه‌، به‌هۆی ئه‌و بۆردومانه‌، ترس و نیگه‌رانی له‌ناو خه‌ڵكی ناوچه‌كه‌ بڵاو بووه‌ته‌وه‌.

به‌پاساوی بوونی بنكه‌ و باره‌گاكانی پارتی كرێكارانی كوردستان "په‌كه‌كه‌"، فڕۆكه‌ جه‌نگییه‌كانی توكریا به‌ شێوه‌یه‌كی نیمچه‌ رۆژانه‌ ناوچه‌ سنوورییه‌كانی هه‌رێمی كوردستان بۆردومان ده‌كه‌ن و، له‌ چه‌ند شوێنێكه‌وه‌ هێزی پیاده‌ش سنووریان به‌زاندووه‌ و خاڵی سه‌ربازییان له‌ناو خاكی هه‌رێمی كوردستان جێگیر كردووه‌‌.

k24-