ڕێکخراوێک لە سنووری پەروەردەی خەبات، بە جلوبەرگی زستانە، ھاوکاریی ژمارەیەک لە ڕۆڵەی شەھیدان کرد.

ئەمڕۆ چوارشەممە 23/1/2019، ڕێکخراوی (حاجی میقداد نەجاڕ)، بە مەبەستی ڕێزگرتن لە گەورەیی و گیانفیدایی شەھیدانی کوردستان و دڵخۆشکردن و کۆمەککردنی خانەوادەی شەھیدان، بە ھەماھەنگی لەگەڵ قایمقامیەتی قەزای خەبات، سەبەتەیەک لە جلوبەرگی زستانەی بەسەر 40 ڕۆڵەی شەھیدانی شەڕی داعشدا دابەش کرد.

لەو ڕێوڕەسمەدا کە بە ئامادەبوونی قایمقامی خەبات و نوێنەرانی ڕێکخراوەکە بەڕێوە چوو، مامۆستا عومەر حەمەد برایم، بەڕێوەبەری پەروەردەی خەبات، جەختی لە گرنگیی کۆمەککردنی قوتابییانی کەسوکاری شەھیدان کردەوە و بەرامبەر بەو دەستپێشخەرییەش، سوپاسی ڕێکخراوەکەی کرد.











باسنيوز