بەھۆی شکانی بۆرییەکی ئاوی ئیفراز، چەند گەڕەکێک لە ھەولێر بێ ئاو دەبن، بەڕێوەبەری ئاوی ھەولێر لەوبارەیەوەش زانیاری دەخاتە ڕوو.

ئاری ئەحمەد قادر، بەڕێوەبەری ئاوی ھەولێر ڕايگەیاند: "دوێنێ یەکشەممە 20/1/2019 بۆریی پرۆژەی ئاوی ئیفراز 3 شکا، بەھۆی ئەوەی ئەو بۆڕییە بەناو زەوی کشتوکاڵیدا ھاتووە، خاوەن زەوییەکان کاریان لە زەوییەکەیان کردووە و بەھەڵە بۆرییەکەیان شکاندووە، لە ئەنجامدا گەڕەکانی ڕاپەرین، برایەتی، ئەفسەران، گوڵان، ڕۆناکی، ئیسکان و 5ی حەسارۆکان بێ ئاو دەبن".

گوتیشی: "ئێستا کارکردن بۆ چاککردنەوەی بۆرییەکە بەردەوامە و لە چەند کاتژمێری داھاتوودا بە تەواوی چاک دەبێتەوە، پاش چاککردنەوەشی دەست بە دابەشکردنی ئاو دەکرێتەوە".










باسنيوز