بە گوتەی بەرپرسی لێژنەی ناوچەی پارتی لە ناحیەی بەرتلە میلیشیاکانی حەشدی شەعبی 10 خانووی هاووڵاتییانی کوردیان لەو سنوورە ڕووخاندووە.



عەلی ملحم، بەرپرسی لێژنەی ناوچەی پارتی دیموکراتی کوردستان لە بەرتلە ڕاگەیاند: میلیشیاکانی حەشدی شەعبی لە ناحیەی بەرتلە 10 ماڵی هاووڵاتییانی کوردیان خراپ و وێران کردووە و شوێنەکەیان کردووەتەوە سەربازگەی مەشق و ڕاهینانی سەربازی".



ئاماژەی بەوەش کرد: "ئەو هاووڵاتییە کوردانە لە ترسی گیانیان ماڵ و شوێنی ژیانیان بەجێ هێشتووە و ئاوارەی هەرێمی کوردستان بوون و ناوێرن بگەڕێنەوە".



ئەو بەرپرسەی پارتی ڕاشی گەیاند: "لەبەر کردەوە و ڕەفتارە دژە مرۆییەکانی عەشدی شەعبی هاووڵاتییانی وکرد ناوێرین بگەڕێنەوە سنووری بەرتلە و تاکوو ئێستا سەدان ماڵباتی کورد لە بەرتلە ئاوارە بوون، چونکە میلیشیاکانی حەشدی شەعبی خەڵکی دەڤەرەکە و بەتایبەتی لایەنگرانی پارتی دیموکراتی کوردستان بێزار دەکات".



ناحیەی بەرتلە سەر بە پارێزگای نەینەوایە و دەکەوێتە ڕۆژهەڵاتی مووسڵە و ناوچەکە دوو پێکهاتەی کورد و مەسیحی تێدا دەژین و دوای هێرشی داعش بۆ ئەو دەڤەرە زۆربەیان هەڵاتن و ئاوارەی هەرێمی کوردستان بوون و لە دوای ڕووداوەکانی 16ی ئۆکتۆبەر و داگیرکردنی انوچە کوردستانییەکان، میلیشیاکانی حەشدی شەعبی داگیریان کردووە.





باسنیوز