سەرۆك بارزانی پێشوازی لە ئەمینداری گشتیی یەكگرتووی ئیسلامیی كوردستان کرد و لە دیدارەکەدا بارودۆخی سیاسیی هەرێمی كوردستان و عێراق و ناوچەكە و دوایین پێشهاتەكان و گۆڕانكاری و هاوكێشەكان لە ئاستی عێراق و ناوچەكە تاوتوێ كرا.

ڕۆژی یەكشەممە 20ـی 1ـی 2019 لە سەلاحەددین سەرۆك مەسعوود بارزانی پێشوازی لە مامۆستا سەلاحەددین بەهائەدین ئەمینداری گشتیی یەكگرتووی ئیسلامیی كوردستان كرد.
لە دیدارەكەدا بارودۆخی سیاسیی هەرێمی كوردستان و عێراق و ناوچەكە و دوایین پێشهاتەكان و گۆڕانكاری و هاوكێشەكان لە ئاستی عێراق و ناوچەكە تاوتوێ كرا.
هەر لەو كۆبوونەوەیەدا بیروڕا لەبارەی پەیوەندییەكانی هەرێم و بەغدا و هەوڵەكان بۆ چارەكردنی كێشەكان ئاڵوگۆڕ كرا.
لەو دیدارەدا جەخت لەسەر پەیوەندیی نێوان هەردوولا و هەوڵدان بۆ دەستەبەركردنی یەكگوتاریی و تەبایی لە كوردستان و پتەوتركردنی دامەزراوەكانی هەرێمی كوردستان كرایەوە.
kdp-