خۆبەخشانی نەخۆشخانەی گشتیی شەهید دکتور خالیدی کۆیە ئەمڕۆ لە گردبوونەوەیەکی ناڕەزاییدا ئاشکرایان کرد نەتەنیا داماننامەەزرێنن، پێمان ڕەوا نابینن نانیشمان پێ بدەن و سووکایەتیشمان پێ دەکەن.

ئەمڕۆ یەکشەمە 20/1/2019 خۆبەخشانی تەندروستی لە سەرجەم بەشەکان و بنکەکان بایکۆتی دەوامیان کرد و داوا دەکەن دابمەزرێن و ساڵەکانی کارکردنیان بە خزمەت بۆ ئەژمار بکرێت.

توانا تەیفوور خۆبەخش لە بەشی تیشکی نەخۆشخانەی دکتۆر خالید گوتی: "ئێمە نزیکەی ۲۰۰ خۆبەخشین لە نەخۆشخانەی شەهید دکتۆر خالید و بنکەکانی دیکەی سنووری کۆیە، بڕیارمان داوە بایکۆتی هەموو بەشەکانی نەخۆشخانەکان بکەین و داوا دەکەین دامانمەزرێنن و ئەو چەند ساڵەی کارمان کردووە، بەخزمەت بۆمان ئەژمار بکرێت".

گوتیشی من سێ ساڵە خۆبەخشم و مافی خۆمانە دامەزرێین.

توانا تەیوفوور جەختیشی کردوە: "تا وڵاممان نەدرێتەوە، دەوام ناکەین و ئەمەش زیانی زۆر بەر نەخوش دەکەوێت، چونکە ئێمە هەموو بەشەکانمان پر کردووەتەوە".

بێخاڵ ئەحمەد کچە خوبەخشێکی دیکەی نەخۆشخانەی دکتۆر خالیدی کۆیە دەڵێت: "مافی خۆمانە دامەزرێن و لەگەڵ ئەوەش کاری خۆبەخشی دەکەین سووکایەتیمان پێدەکەن و بڕیارێک هاتووە دەڵێ نابێت خۆبەخشەکان لەناو نەخۆشخانە نان بخۆن، هەرچەندە ئێمە لێرە نان ناخۆین، بڵام ئەو بێڕێزییە بۆچی".












باسنیوز