ژ بهر بۆردومانا تۆركیا 92 گۆندێن شێلادزێ د ئاڤهدان نینن
نائیف بابهكر، ههلبژێرێ گوندێ خاستوو ل دهڤهرا زێبارێ یا سهر ب ناحیا شێلادزێ گۆت: ( ژ ئهگهرێ بۆردومانا تۆركیا ل سهر دهڤهرێ و ههبوونا بنگههێن پهكهكێ، جهێ داخێ یه كو ناحیا شێلادزێ خوه گوندهكێ ب تنێ ژى نینه كو رێیا هاتنوچۆنێ ههبیت، ل سالێن نوتا حوكمهتا ههرێما كوردستانێ ب شوفهلێ رێیا حهفت گوندێن زێباریان یا سهر ب ناحیا شێلادزێ راكێشایه، بهلێ ههر ل وى دهمى هێلایه و ههتا نوكه نههاتیه تمامكرن و نوكه رێك ههموو كهند و كیر و رهگله و بهرێن بچوك و مهزنن و ترومبێل ههموو ژناڤبرن).
زێدهتر گۆت: (ژبهرنهبوونا رێكێ مینى پاسا قوتابیان ناهێته گوندێ مه و چهند گوندێن دن ژى، ژ بهر ڤێ قوتابیێن مه ژى نهچاردبن كو ب رێیا ماتورسكلا یان ژى ب پیا قهستا قوتابخانێ بكهن ب دوراتیا چوار كیلومهترا، ب ڤێ یهكێ زور ئاستهنگ بو درۆست بن و هندهك جاران د ماتورێ دا دكهڤن و برینداردبن و هندهك جاران ژى دبیته باران و قوتابى ل پهرتوك و جلوبهرگێن خوڤه ههموو دبیته ئاڤ و تهر دبیت، ئهڤه زێدهبارى كو چهندین ئاستهنگ بو خهلكێ گوندان درۆست دبیت).
دیار تروانشى، رێڤهبهرێ گشتیێ باژێرڤانیان ل پارێزگهها دهۆكى گۆت: (ئهم ئاگههدارێ رێیا حهفت گوندێن شێلادزێ یه كو نههاتیه تهمامكرن، بهرى نوكه ههموو ئهركێن پێدڤى ژ ڤهدیتن و كاروبارێن تهكنیكى بۆ چێكرنا رێیا حهفت گوندێن زێیاریا ل شێلادزێ و گوندێن دن یێن ههمان دهڤهر ل دێرهلووكێ كو ههموو دبنه 13 گوند هاتینهكرن، ئهم چاڤهرێ حوكمهتێ دكهین كو پارهكێ بۆ مه رهوانه بكهت و ههردهما پاره گههشت دهستێ مه ب زوترین دهم رێیا وان گوندان دێ هێته چێكرن).
ب گورهى نڤیسارا هژمار ئێك یا سالا 2005 یا سهروكاتیا ههرێما كوردستانێ یا راستڤهكرى، لژێر نڤیسارا سهروكاتیا جڤاتا وهزیران یا هژمار 846 یا رێكهفتى 7/7/2013 كو ئیمزا سهروك بارزانى لسهر ههیه و ل رۆژناما وقایعى كوردستان هاتیه بهلاڤكرن، ناحیا شێلادزێ هاتیه دامهزراندن و ژ 91 گوندان پێكدهێت و ژ وانان 85 گوند نهئاڤهدانن و حهفت ژى ئاڤهدانن.
باسنیوز
