ۆردێ كاروبارێن مرۆڤایەتی دەست ب پرۆسسا بەلاڤكرنا گازا سپی كر ل سەر ئاواران ل ناڤ كەمپان، رێڤەبەریا كوچ و كوچبەران ل دهۆكێ ب هەماهەنگی دگەل بۆردێ كاروبارێن مرۆڤایەتی ڤە دهێتە بەلاڤكرن، و ئێكە كەمپ ژی ل كەمپا داودیی نەفتا سپی ل سەر ٦٣٨ خێزانێن ئاوارەی ل ناڤ كەمپێ بەلاڤكرن.

سالم سەعید، بەرپرسێ‌ راگەهاندنا بۆردێ كاروبارێن مرۆڤایەتی ل پارێزگەها دهۆكێ‌، دیار كر، پرۆسسا نەفتا سپی دێ بەردەوام بت ل سەر كەمپێن ئاواران و دێ ل سەر ١٧ كەمپێن ئاواران ل سنورێ پارێزگەها دهۆكێ هێتە بەلاڤكرن و د ماوێ‌ دوو حەفتیێن دی دا، نەفتا سپی دێ‌ ل سەر هەموو ئاوارەیێن د ناڤ كەمپان دا دژین هێتە دابەشكرن.

زێدەتر دبێژیت: سەبارەت پەنابەران و ئاوارێن دەرڤەی كەمپان ل جهێ گازێ پارە ل سەر ئاواران و پەنابەران یێ‌ هاتیە بەلاڤكرن، كو هەر خێزانەكا پەنابەر ٤٨٠٠٠٠ چار سەد و هەشتێ هەزار دینارێن عیراقی و هەر خێزانەك ئاوارە ٢٤٠٠٠٠ دوو سەد و چل هەزار دینار، ب ئارمانجا پتر حۆشكرنا رەوشا ئاواران و پەنابەران ل سنورێ پارێزگەها دهۆكێ و دابینكرنا پیدڤیێن وەرزێ زڤستانێ ب تایبەت سۆتەمەنیێ.










باسنيوز