بەرپرسێ‌ لێژنا ناوچا پارتی دیموكراتی كوردستان ل بەرتللە دیار كر: "ئەمریكا بۆ ڤالاكرنا هەر پێنچ قلعەیێن ناڤبەرا گوندێ خزنە و بازاوە ل نێزیكی قەزایا بەرتللە یا سەر ب مووسلێ ڤە ئاگەهداریا حەشدا شەعبی كریە. دووڤ زانیاریان دێ ئەمریكا وان قلعە وەرگریت".

عەلی ملحم، بەرپرسێ‌ لێژنا ناوچا پارتی دیموكراتی كوردستان ل بەرتللە دیار كر: "لیوا 30 یا حەشدا شەعبی پێنچ قلعەیێن دەڤەرێ یێن كرینە بارەگایێن خوە. نۆكە دووڤ زانیاریان ئەمریكا ئاگەهداریا حەشدا شەعبی كریە هەر پێنچ قلعەیێن دەڤەرا بەرتللە بتایبەتی ژی یێن نێزیك گوگچەلی ڤالا بكەن. تێ چاڤەرێكرن ئەمەریكی وان هەر پێنچ قلعە وەربگرن. بێگومان دێ هێنە ڤالاكرن ژلایێ‌ حەشدا شەعبی ڤە چونكو بۆ دەمێ‌ چەند دەمژمێران مۆلەت ب حەشدی هاتیە دان كەل وپەلێن خوە ژ قلعە دەربێخن".

خویا ژی كر: "ژبەر هاتنا لەشكەرێ ئەمریكێ‌ ترسەك مەزن ل دەڤ حەشدا شەعبی‌ چێبوویە. ئەو دترسن و دزانن ل وێرێ نامینن لەورا نها هەتا رادەیەكێ‌ سەرپێچی خوە سست كرینە. ئەز دبینم دڤان رۆژان دێ رەوش باشتر بیت ل دەشتا نەینەوا".










باسنيوز