ئه‌ندامێكى ئه‌نجومه‌نى پارێزگاى سلێمانى ڕایگه‌یاند، زانیاری ئه‌وه‌مان پێگه‌یشتووه‌ كه‌ كۆمپانیاى ئاسیاسێل به‌نیازه‌ نرخى باڵانسى چه‌ند سیمكارتێكى گران بكات، بۆیه‌ نوێنه‌رى كۆمپانیاكه‌ بانگهێشتنى دانیشتنێكى ئه‌نجومه‌نى پارێزگا ده‌كه‌ین.

 

ڕه‌مه‌زان نامیق، ئه‌ندامى ئه‌نجومه‌نى پارێزگاى سلێمانى به‌ (باسنیوز) ى ڕاگه‌یاند: "كۆمپانیاى (ئاسیاسێل) ساڵى ڕابردوو چه‌ند هێڵێكى (بێ سنوور)ى به‌سه‌ر فه‌رمانبه‌ران و مامۆستایان دابه‌ش كرد، كه‌ مانگانه‌ به‌ 6 هه‌زار دینار هێڵه‌كه‌ ده‌بوو به‌ بێ سنوور و بڕیاره‌ تا ساڵى 2021 به‌رده‌وام بێت".


ئاماژه‌ى به‌وه‌ش دا، كه‌ كۆمپانیاكه‌ نامه‌ى بۆ به‌شداربووانى ئه‌و هێڵه‌ ناردووه‌ و بڕیاره‌ له‌ 24 / 1 / 2018 ه‌وه‌ نرخى باڵانس بكرێت به‌ 10 هه‌زار دینار.


ئه‌و ئه‌ندامه‌ى ئه‌نجومه‌نى پارێزگاى سلێمانى ڕوونیشیكرده‌وه‌، بۆ به‌دواچوون و روونكردنه‌وه‌ى هۆكاری گرانكردنى نرخی باڵانسى مانگانه‌ی ئه‌و سیمكارتانه‌، 16 ئه‌ندامی ئه‌نجومه‌نى پارێزگا یاداشتێكیان ئاراسته‌ی سه‌رۆكایه‌تی ئه‌نجومه‌نی پارێزگای سلێمانی كردووه‌ بۆ بانگهێشت كردنی به‌ڕێوه‌به‌ری گواستنه‌وه‌ و گه‌یاندنی سلێمانی و نوێنه‌ری ڕێگه‌پێدراوی ئاسیاسێڵ.
bas news-