میدیای سەر بە پارتی کرێکارانی کوردستان (پەکەکە) ئاشکرای کرد، هێزەکانی ئاسایشی یەکێتی لە قەڵادزێی ناوەندی دەڤەری پشدەر، هێرشیان کردووەتە سەر مەراسیمێکی لایەنگرانی پەکەکە.

کەمێک لەمەوبەر و لە سەردێڕێکی بەپەلەدا، ماڵپەڕی (ڕۆژ نیوز)ی سەر بە پەکەکە بڵاوی کردووەتەوە، ئاسایشی قەڵادزێ (ئاسایشی یەکێتیی نیشتمانیی کوردستان)، هێرشی کردە سەر مەراسیمی ساڵیادی تیرۆرکردنی ساکینە جانسز و هاوڕێکانی و پەلاماری ئامادەبووانی داوە.

هێرشی ئاسایشی یەکێتی بۆ سەر مەراسیمەکەی لایەنگرانی پەکەکە لە کاتێکدایە کە ماوەیەکە هێزەکانی یەکێتی لە ناوچەکانی ژێر دەسەڵاتیان، سەرقاڵی جێبەجێکردنی ڕێککەوتنێکی نێوان یەکێتی و تورکیان بۆ کۆتاییهێنان بە سەرجەم جموجۆڵەکانی پەکەکە و گرووپەکانی سەر بە پەکەکە لە سنووری سلێمانی.










باسنيوز