رائید هۆگر عەزیز، گوتەبێژی پۆلیسی هەولێر ڕای گەیاند ئەو ئافرەتەی ماوەی ساڵێك و شەش مانگە لە شەقامەكانی شاری هەولێر دەسووڕێتەوە، ئەو ئافرەتە لەڕووی جەستەییەوە هیچ كەمئەندامییەكی، نییە بەڵام ناتوانێ‌ بە باشی قسە بكات، هەروەها نابیستە تەنیا یەك گوێی دەبیستێ و‌ ئەویش زۆر بە كزی".

گوتیشی: "ساڵێك و نیوێک پێش ئێستا پەڕاومان بۆ كردەوەتەوە بردوومانە داڵدەی ئافرەتان، بەڵام لەوێ‌ نەگیرساوەتەوە شەڕی ناوەتەوە شوێنەكەی جێ هێشتووە".

گوتەبێژی پۆلیسی هەولێر گوتیشی: "باس لەوە دەكرێت ئەو ئافرەتە خەڵكی رانیەیە و بەرێوەبەرایەتی پۆلیسی هەولێر ناردوویەتەوە بۆ ڕانیە، بەڵام بەردەوام دەگەڕێتەوە بۆ سنوری شاری هەولێر و ئێستا لە بەڕێوبەرایەتیی پۆلیسی هەولێرە داوا لە خێرخوازان و كۆمەڵگەی مەدەنی دەكەن بە هانای ئەو ئافرەتەوە بچن، چونكە ئێستا بەبێ‌ ئەوەی هیچ تاوانێكی ئەنجام دابێت لە بەڕێوەبەرایەتیی پۆلیسی هەولێرە".











باسنيوز