ل سنورێ باژێرڤانیا ئاكرێ هژماره‌كا گوند و گه‌ره‌ك ب زێده‌گاڤى هاتینه‌ ئاڤاكرن و هه‌تا نۆكه‌ نه‌هاتینه‌ تاپۆكرن و سه‌رۆه‌كێ باژێرڤنیا ئاكرێ دیاركر كو ل دوڤ ماسته‌ر پلانا باژێرڤانیێ هژماره‌كا ئه‌و خانیێن ب زێده‌گاڤى هاتینه‌ ئاڤاكرن، دێ هێنه‌ راكرن.

بلند ره‌زا، سه‌رۆكێ باژێرڤانیا ئاكرێ راگه‌هاند: ”ئه‌گه‌ر جهه‌كێ كو ب زێده‌گاڤى هاتبه‌ ئاڤاكرن، پرۆژێن خزمه‌تگوزارى گه‌هشتنێ وه‌ك جاده‌و ئاڤ و كاره‌ب، خودان خانى و ئه‌رد خه‌مێ ل تاپۆكرنێ ناخۆن، له‌ورا ژى هه‌تا نۆكه‌ هه‌مو ئه‌ردێن زێده‌گاڤى نه‌هاتینه‌ تاپۆكرن، پێدڤیه‌ حكومه‌تى هه‌تا نه‌هاتبانه‌ تاپۆكرن هه‌مو خزمه‌تگوزارى نه‌گه‌هشتبانێ بۆ وێ چه‌ندێ خودان ئه‌رد بزاڤێن تاپۆكرنێ كربان“.

ناڤبرى گۆتژى: ”نۆكه‌ 47 گه‌ره‌ك هه‌نه‌ ل ئاكرێ 113 كلم چوار گوشه‌ پشتى ماسته‌ر پلانێ ل سالا 2011 ێ 19 گوندێن زێده‌گاڤى هه‌نه‌ ل سنورێ باژێرڤانیا ئاكرێ قانونا ژماره‌ 12 سالا 2012 ێ ده‌رچوى هاتیه‌ڤ هه‌مواركرن سالا 2017 ێ ئه‌و گوندێن هاتیه‌ ناڤ سنورێ باژێرڤانیێ كو روكن بیت یان خودان هه‌ڤژین بیت دێ هێنه‌تاپۆكرن. ئه‌وێن ده‌رڤه‌ى ڤێ قانونێ ناهێنه‌ تاپۆكرن پێدڤى قانونه‌كا دى هه‌یه“‌.

ته‌كه‌زكر: ”چاڤه‌رێ قانونێ دكه‌ین بۆ رێكخستنا ئه‌ردێن زێده‌گاڤى بۆ وێ چه‌ندێ ئه‌رد بهێنه‌ سه‌ر ناڤێ باژێرڤانیێ پاشى بهێنه‌ تاپۆكرن ، ب گشتى ل دوڤ سنورێ ماسته‌رپلانێ 600 خانی هه‌نه‌ پێدڤیه‌ بهێنه‌ راكرن كو ل سه‌رده‌مێ به‌رێ هاتینه‌ ئاڤاكرن ، به‌لێ دڤێت لبه‌ر پروژێن خزمه‌تكارى بهێنه‌ راكرن. چاڤه‌رێ دكه‌ین كو په‌رله‌مانانێ كوردستانێ ب رێكا قانونا ژماره‌ 3 سالا 2018 ێ وه‌ك رێگریه‌ك بۆ نه‌هێلانا زێده‌گاڤیا ئه‌وێن ئه‌ردێن وان نه‌هێنه‌ تاپۆكرن دێ هێنه‌ قه‌ره‌بۆكرن“.














باسنیوز