پشتی شڤێدی شەڤا 19 سەر 20/10/2018 ل سنورێ‌ پارێزگەها دهوكێ‌ دوو رویدانێن كوشتنێ‌ دروست بون كو ئێك ژ وان ل سەنتەرێ‌ ناحیا كەلەكچی ئەوا سەر ب قەزا شێخان ڤە كەسەك د ژیێ‌ (35تا40) سالیێ‌ دا ژلایێ‌ كەسەكێ‌ دیتر ڤە هاتیە كوشتن و ل سەنتەرێ‌ باژێركێ‌ (سێمێلێ‌) ئەوا رۆژئاڤایێ‌ دهوكێ‌، گەنجەك ژلایێ‌ برایێ‌ خوە ڤە هاتیە كوشتن، بكوژێن هەردوو كەسان نها دەستەسەر كرینە.

لدور هەردوو رویدانان، موقەدەم هێمن سلێمان، بەرپرسێ‌ راگەهاندنا پولیسێن پارێزگەها دهوكێ‌ دا دیار كر: راستە كو شڤێدی ل سنورێ‌ پارێزگەها دهوكێ‌ دوو رویدانێن كوشتنێ‌ هەبون كو ل سێمێلێ‌ كەسەكێ‌ برایێ‌ خو كوشتیە و ل كەلەكچی ژی كەسەك ژلایێ‌ كەسەك دی ڤە هاتیە كوشتن.

هەمان بەپرسی ئەو چەندە دوپاتكریە، ئەو بكوژێ‌ ل سێمێلێ‌ برایێ‌ خو كوشتی هەر شڤێدی خو رادەستی پولیسان كریە و نها ل بن چاڤدێریا پولیسان دایە و لدور رویدانا كەلەكچی، كو دهێتە گوتن وی بكوژی ژی خو رادەستی پولیسان كریە لێ‌ ژ شڤێدی هەتا نها ب فەرمی ئەو نوچەیە ژلایێ‌ پولیسێن وێ‌ دەڤەرێ‌ ڤە بو من نەهاتیە و من پێزانین ل سەر نینن.

ژلایەكێ‌ دیتر ڤە ژێدەرەكێ‌ ل سنورێ‌ ناحیا كەلەكچی كو نەخواست ناڤێ‌ خو دیار بكەت ئاشكرا كر: بكوژێ‌ ل كەلەكچی كەسەك كوشتی شڤێدی درەنگی ڤە ل كومەلگەها (چرەی) ل سنورێ‌ پارێزگەها دهوكێ‌ خو رادەستی پولیسان كریە.

هەمان ژێدەری ئەو چەندە دوپات كر: كو هەردوو رویدان ژ ئەگەرێ‌ كێشێن جڤاكی بوینە و هەردوو بكوژ نها دا دەستەسەر كرینە.











باسنيوز