ئه‌مڕۆ شه‌ش ساڵ به‌سه‌ر یادی دامه‌زراندنی پارتی دیموكراتی گه‌لان (هه‌ده‌په‌)دا تێپه‌ڕ ده‌بێت. به‌و بۆنه‌یه‌وه‌ له‌ رێگه‌ی سۆسیال میدیاوه‌ هه‌ده‌په‌ ڤیدیۆیه‌كی بڵاو كرده‌وه‌ و ده‌ڵێ ئێمه‌ تاوه‌كو ئێستەش هه‌ر به‌پێوه‌ین، به‌ڵام له‌ ڤیدیۆیه‌كه‌دا كه‌ له‌ دوو خوله‌ك كه‌متره‌، به‌هیچ شێوه‌یه‌ك باسی هاوسه‌رۆكی پێشووی هه‌ده‌په‌ سه‌لاحه‌دین ده‌میرتاش نه‌كراوه‌.

به‌هۆی ئه‌وه‌ی ده‌میرتاش یه‌كێكه‌ له‌ دامه‌زرێنه‌رانی هه‌ده‌په‌ و هاوسه‌رۆكی ئه‌و پارته‌ بووه‌ تا ئه‌و كاته‌ی ده‌ستگیر كرا، بۆیه‌ لایه‌نگرانی هه‌ده‌په‌ ره‌خنه‌یان له‌و ڤیدیۆیه‌ی هه‌ده‌په‌ گرتووه‌ و ده‌ڵێن بۆچی ده‌میرتاشتان له‌ بیر كرد

له‌و ڤیدیۆیه‌دا هه‌ده‌په‌ ئاماژه‌ی داوه‌ كه‌ 6 ساڵه‌ چۆكیان دانه‌داوه‌ و 60 ساڵی تریش هه‌ر به‌سه‌ركه‌وتوویی ده‌مێننه‌وه‌.

هه‌روه‌ها ده‌ڵێن ئه‌و ئایدۆلۆژیایه‌ی هه‌ده‌په‌ كۆتایی نایه‌ت، چونكه‌ ئه‌گه‌ر یه‌كێكیان لێ بڕوات هه‌زاری تر په‌یدا ده‌بێت.