ئەندامێکی پەرلەمانی عێراق لە فراکسیۆنی پارتی ڕای دەگەیەنێت، داواکارییەکمان بۆ لابردنی خاڵە گومرگییەکانی نێوان هەرێمی کوردستان و حکوومەتی عێراق ئاراستەی سەرۆکایەتی پەرلەمان کردووە.

د. ناسر هەرکی، ئەندامی پەرلەمانی عێراق لە فراکسیۆنی پارتی ڕايگەیاند: "تا ئێستا هەرێمی کوردستان و حکوومەتی عێراق دوو وڵاتی جیاواز نین، بۆیە دانانی ئەو خاڵە گومرگییانە نادەستووریی و نایاساییە".

ئەوەشی ڕوون کردەوە، کە فراکسیۆنی پارتی داواکارییەکی لەو بارەیەوە نووسیوە و کۆمەڵێک واژۆشی کۆکردووەتەوە و ئاراستەی سەرۆکایەتی پەرلەمانی کردووە، بۆ ئەوەی لە کۆبوونەوەی ئەمڕۆ 15ی ئۆکتۆبەردا دەنگی لەسەر بدرێت.

پەرلەمانتارەکەی فراکسیۆنی پارتی لە پەرلەمانی عێراق، ئاشکراشیکرد کە زۆرینەی بۆچوونەکان لەسەر لابردنی ئەو خاڵە گومرگانەدان.










باسنيوز