سه‌رپه‌رشتى پانزینحانێن قه‌زا شێخان راگه‌هاند، ژ ئه‌گه‌رێ پانزینا پیس و نه‌ لدووڤ ساخله‌تان، دوو پانزینخانه‌ بۆ ماوێ 10 رۆژان دهێنه‌ داخستن و سزادان.



نه‌شوان ئه‌حمه‌د، سه‌رپه‌رشتى پانزینحانێن قه‌زا شێخان، دیار كر: ”پشتى لیژنا چاڤدێریا پانزینخانان دووڤچوون ل سه‌ر هه‌موو پانزینخانێن قه‌زا شێخان كرى، ئه‌و ب سه‌ر دوو پانزیخانان راوه‌ساتیان كو پانزینا موحه‌سه‌ن و یا نۆرمال ل گۆره‌ى ساخله‌ت و رێنمایان نه‌دفرۆتن، به‌لكو هه‌تا راده‌یه‌كى یا پیس بوویه‌ و ژ به‌ر هندێ ژى هه‌ر پانزینخانه‌ك ژ وان بۆ ماوێ 10 رۆژان هاته‌ داخستن و سزادان“.



ئاشكرا ژى كر، كو ل گه‌ل داخستنا وان ژى، هه‌ر پانزینخانه‌ك دێ ب كۆژمێ دوو ملیون دیناران هێته‌ سزادان كو ئێك ژ وان پانزینخانان پانزینا حكۆمه‌تا عیراقا فیدرال ل قه‌زا شێخان دفرۆتن.
bas news-