بەمەبەستی دەستگیرکردنی ئەو کەسانەی تەقەی خۆشی دەکەن، هێزە ئەمنییەکانی سنووری قەزای چەمچەماڵ دەخرێنە حاڵەتی ئامادەباشییەوە.



قایمقامییەتی قەزای چەمچەماڵ، لە ڕاگەیەندراوێکدا کە وێنەیەکی نێردراوە، ڕای دەگەیەنێت "بەفەرمانی دادوەر و بەهەماهەنگی دەزگا ئەمنییەکان، سەرجەم هێزەکان لە ئامادەباشیدا دەبن بەمەبەستی دەستگیرکردنی ئەوکەسانەی تەقەی خۆشی دەکەن"



بەپێی ڕاگەیەندراوەکە "هەرکەسێک لە قەزای چەمچەماڵ تەقەی خۆشی بکات دەستگیر دەکرێت و چاوپۆشی لە هیچ کەسێک ناکرێت بۆ ئەوەی ڕووداوی دڵ تەزێن دووبارە نەبێتەوە".



ئەم ڕاگەیەنراوە لەکاتێکدا کە دوو رۆژ پێش ئێستا بەهۆی تەقەی خۆشیی بەرهەم ساڵحەوە کەسێکی دانیشتووی شاری چەمچەماڵ و یەکێکی دیکەی دانیشتووی سنووری شاری سلێمانی کوژران و چەند کەسێکی دیکەش زامدار بوون.
bas news-