په‌یڤدارێ رێڤه‌به‌ریا پۆلیسێن پارێزگه‌ها دهۆكێ دیار كر كو وان کەسەک ده‌سته‌سه‌ركریه‌ ب گونه‌ها ب سه‌ردابرنا كچان د تۆرێن جڤاكى دا و پاره‌ ژ وان چێدكرن و گه‌ف لێ دكرن.



موقه‌دم هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ، دیار كر، ڤى تاوانبارى هژماره‌كا تاوانان ل سه‌ر تۆرێن جڤاكى ئه‌نجامداینه‌ و ب رێیێن نه‌یاسایى په‌یوه‌ندى د تۆرا جڤاكى یا فێسبووكى و ئه‌نیستیگرامى دا ل گه‌ل كچ و ژنان گرێدان و هوسا خۆش بۆ دئاخفت هه‌تا باوه‌رى بۆ وان چێدكرن و وێنه‌یێن خوه‌ بۆ ڤى گه‌نجى فرێدكرن و گه‌هشتبوو وى راده‌ى كچان وێنه‌یێن بێ ستاره‌ بۆ وى فرێدكرن.



ئاشكرا ژى كر كو پشتى هینگى ئه‌ڤ كچ و ژنه‌ ل گه‌ل ڤى گه‌نجى ده‌ردكه‌فتن و پاشى ڤى گه‌نجى ب رێیا وێنه‌ و ڤیدیۆیان پاره‌ ژ وان چێدكرن و گه‌ف ل وان دكرن و ناچاردبوون پارا بده‌نه‌ وان و گۆتیشى: "ئه‌ڤ تاوانباره‌ د ڤى بوارى دا گه‌له‌ك شاره‌زاببوو و ئه‌ز هاتمه‌ ده‌سته‌سه‌ركرن و گه‌له‌ك ره‌زیل و په‌شیمان بوویه‌".



موقه‌دم هێمن سلێمان خویا كر كو ئه‌ڤ گه‌نجه‌ نها د زیندانێ دایه‌ و چاڤ ل دادگه‌هكرنا خوه‌یه‌.
bas news-