پارێزگارێ دهۆكێ دیاركر، کو داكو چوو هێجه‌ت و به‌هانه‌ بۆ كۆمیسیۆنێ وهنده‌ك لایه‌نێن سیاسى نه‌مینن پێدڤیه‌ وه‌لاتى ل ده‌مێ ده‌نگدانێ هه‌موو به‌لگه‌نامه‌یان دگه‌ل خوه‌ ببه‌نه‌ بنگه‌هێن ده‌نگدانێ.

فه‌رهاد ئه‌مین ئه‌ترووشى، پارێزگارێ دهۆكێ، د كۆنگره‌كێ رۆژنامه‌ڤانی دا دیاركر: "داخوازێ ژ هه‌موو ده‌نگده‌ران دكه‌م بچنه‌ مافێ خوه‌ یێ یاسایى وئه‌ركێ نشتیمانی سه‌ر ملێن خوه‌ ئه‌نجام بده‌ن و قه‌ستا بنگه‌هێن ده‌نگدانێ بكه‌ن و داخازێ ژ كارمه‌ندێن كۆمسیۆنێ و ده‌زگه‌هێن ئێمناهیێ دكه‌ین دگه‌ل وه‌لاتیان وهندى دشیان دا بیت ل دووڤ رێنما ویاسا یێ هاریكار وپشته‌ڤان بن بۆ خه‌لكێ هه‌تا بشێن ئاسانى ده‌نگێ خوه‌ بده‌ن وگه‌له‌ك ل سه‌ر خه‌لكێ گران نه‌كه‌ن دا ده‌نگده‌ر بشێن ده‌نگێ خوه‌ بده‌ن".

خویا ژى كر: "وه‌سا دیاره‌ گه‌له‌ك كێماسى وئاسته‌نگ هه‌نه‌ وخه‌لك گازندا دكه‌ن دوهی دره‌نگى شه‌ڤ هنده‌ك رێنمایێن نوو هاتینه‌ دان. وان گه‌له‌ك خه‌لك ئالۆز كریه‌ له‌وما داخوازێ ژ ده‌نگده‌ران دكه‌م وان هه‌موو به‌لگه‌نامه‌ گه‌ل خوه‌ بینن داكو چوو هێجه‌ت وبه‌هانه‌ بۆ كۆمسیۆنێ و هنده‌ك لایه‌نێن سیاسى نه‌مینن ونه‌هێلن خه‌لك ده‌نگێ خوه‌ بده‌ن".

ئاشكرا كر: "لێ دیسا دبێژم هێڤدارن ئه‌ڤ بابه‌ته‌ نه‌بیته‌ بابه‌تێ تۆلڤه‌كرنێ ژ وه‌لاتیان یان لایه‌نه‌كى سیاسى كو جهه‌ته‌ك یان لایه‌نه‌ك كى بیت سه‌خته‌كاریێ بكه‌ت هه‌روه‌سا گۆت هه‌ر رێنمایه‌كا پێدڤى بیت وه‌كو ئیدارا دهۆكێ ئه‌م دێ بجهئینن بۆ هندێ سه‌خته‌كاریێ نه‌هێته‌ كرن".










باسنيوز