دووسایدێ دێرالوك – شێلادزێ ب فهرمى هاته ڤهكرن
ماوێ دوو سالانه كار د جۆتسایدێ دێرالۆك - شێلادزێ دا دهێته كرن و كۆژمێ 23 ملیار دیناران ژلایێ حكومهتا ههرێما كوردستانێ ڤه بۆ هاتینه تهرخانكرن و ئهڤرۆ ب شێوهیهكێ فهرمى هاته ڤهكرن و ب دووماهى هات.
ئهڤرۆ رۆژا شهمبى 29/9/2018، ب بهرههڤبوونا پارێزگارێ دهۆكێ و قائیمقامێ قهزا ئامێدیێ و رێڤهبهرێ كۆمپانیا دارین گرۆپ جێبهجێكارا پرۆژهى، جۆتسایدێ دێرالۆك – شێلادزێ ب شێوهیهكێ فهرمى ب سهر شۆفێران دا هاته ڤهكرن، پشتى بۆ ماوێ دوو سالان كار تێدا هاتیه كرن و كۆژمێ 23 ملیار دیناران ژلایێ حكومهتا ههرێما كوردستانێ ڤه لێ هاتینه مهزاختن.
فهرهاد ئهترووشى، پارێزگارێ دهۆكێ د پهیڤهكێ دا دیار كر، د سهر وێ یهكێ را كو ئهڤ پرۆژه د قهیرانا دارایى دا هاتیه چێكرن، بهلێ دهێته هژمارتن ئێك ژ گرنگترین پرۆژهیان و دوو دهڤهران پێكڤه گرێددهت و ئێك ژ پرۆژهیێن ستراتیژى بۆ ههردوو دهڤهرێن شێلادزێ و دێرالۆكێ و قهز ئامێدیێ و كۆمپانیا دارین گرۆپ ئهڤ پرۆژهیه ئهنجامدایه.
سامى ئۆشانه، رێڤهبهرێ ناحیا دێرالۆكێ، دیار كر، ل سالا 2016 دهست ب چێكرنا جۆتسایدێ دێرالۆك بۆ شێلادزێ هاتیه كرن و كۆژمێ 23 ملیار و 700 ملیۆن دیناران ژلایێ حكومهتا ههرێما كوردستانێ ڤه بۆ هاتینه تهرخانكرن و ئێك ژ گرنگترین پرۆژهیێن دهڤهرێ دهێته هژمارتن، وهكو فرههى 30 مهتریه و 6 كیلۆمهتران یا درێژه.
ئۆشانه خویاژى كر كو رۆژانه خهلكهكێ زۆر ژ دیرالۆك بۆ بارزان و شێلادزێ هاتن و چوونێ دكهن و ئهڤه رێیهكا سهرهكى یه و دێ خزمهتهكا مهزن پێشكێشى هاوولاتیێن دهڤهرێ كهت.
bas news-
