به‌رده‌وامی دانا خزمه‌تكرنا ئاواره‌ و په‌نابه‌ران و گه‌هاندنا هاریكاریان بۆ وان، رێكخراوا قه‌ندیل ب هه‌ڤكاری دگه‌ل بۆردێ كاروبارێن مرۆڤایه‌تی BRHA- كارگێریا كه‌مپا بێرسڤێ 581 خیڤه‌ت ل سه‌ر ئاوارێن كه‌مپا بێرسڤێ2 به‌لاڤكرن.



سالم سه‌عید، به‌رپرسێ راگه‌هاندنا بۆردێ كاروبارێن مرۆڤایه‌تی ل پارێزگه‌ها دهۆكێ، دیار كر: ”ب هه‌ڤكاری دگه‌ل رێكخراوا قه‌ندیل خیڤه‌ت ل سه‌ر ئاواران به‌لاڤكرینه‌، چونكو زۆربه‌یا وان خێزانێن مفادار ئه‌و بوون ئه‌وێن خیڤه‌تێن وان ژ كار كه‌فتێن، دیسان دیاركر كو ئه‌و دێ به‌رده‌وام كار كه‌ن پێخه‌مه‌ت گه‌هاندنا پیدڤیان و گۆهارتنا هه‌موو خیڤه‌تێن ژ كار كه‌فتی پێخه‌مه‌ت خۆشكرنا ره‌وشا ئاواران ل كه‌مپا وان“.



ئاشكرا ژى كر، كو بۆردێ كاروبارێن مرۆڤایه‌تی به‌رده‌وام كار دكه‌ت كو هه‌موو خیڤه‌تێن كه‌مپان ئه‌وێن ژكار كه‌فین بگۆهۆریت پێخه‌مه‌ت خۆشكرنا ره‌وشا ئاواران به‌ری هاتنا وه‌رزێ زڤستانێ.
bas news-