سلێمانی.. پارتی ئاهەنگێکی گەورە بۆ ناساندنی کاندیدەکانی ساز دەکات
ئاهەنگەکە کاتژمێر 2ـی دوای نیوەڕۆی رۆژی یەکشەممە 23/9/2018 لە گۆڕەپانی ئەنجومەنی سەرکردایەتیی پارتی لە پارێزگاکانی سلێمانی و هەڵەبجە، ساز دەکرێت.
ئەندامان و بەرپرسانی لقەکانی 4، 11، 12 و 21 بەشداریی ئاهەنگەکە دەکەن، هەر 100 کاندیدەکەی لیستی 183ـی پارتی ئامادە دەبن و بەرنامەی کاری خۆیان و فراکسیۆنی پارتی لە پەرلەمانی کوردستان، دەخەنەڕوو.
بڕیارە رۆژی 30ـی ئەیلوولی 2018، هەڵبژاردنی خولی پێنجەمی پەرلەمانی کوردستان بەڕێوە بچێت و پارتیش، کە لە سەرەتاوە جەختی لە ئەنجامدانی هەڵبژاردن لە وادەی خۆی کردەوە، بە لیستی ژمارە 183 بەشداریی ئەو هەڵبژاردنە دەکات.
باسنيوز
