کورتە بالایێن پارێزگەها دهۆکێ دبێژن، کەسێن خودان پێدڤیێن تایبەت ب گرنک دزانن دەنگ ب پارتى دیموکراتى کوردستان بدەن، جونکى تاکە پارتە کوردستان ژ زولم و زوردایێ پاراستى و رەوشا کوردستانێ پشتى روودانێن 16 ئێکتوبەرا 2017ێ بەرەڤ باشتر لێکرین.

(وەحید جیجو)، سەرۆکێ کومەلا کورتە بالا ل دهۆک، بۆ مالپەرێ فەرمیێ پارتى دیموکراتى کوردستان راگەهاند:" ڤان هەلبژارتنان گرنگیەکا هەرە تایبەت بۆ هەر تاکە کەسەکێ کوردستانى هەیە، جونکى لڤان هەلبژارتنان دێ هەر لایەنەکێ سیاسى سەنگا خۆ ل هەرێما کوردستانێ زانیت و ئەڤێن خزمەتکرین و دەنگدانێ ب سەربەخویا کوردستانێ دا دێ دیار بن، ژبەر هندێ مە ژى بریار دایە دەنگ ب لیستا 183ێ بدەین".

(نەسیبا یاسین)، ئەنداما کومەلا کورتە بالا، ئاماژەدا:" ‎ل وەڵاتێن دیمۆکرات ژبۆ وەرگرتنا بیروبۆچون و دەنگدانێ ب ماف و ئەركێ خو دزانن ‎و لروژا هةلبژارتنان خەلک بەرەف سندوقێن دەنگدانێ ڤە دجیت و دەربرینێ ژ ڕاو بۆچوونێن خو دکەن".

(نەسیبا یاسین)، زەلاکر ژى:" پشکدارى د هەلبژارتناندا ئەرکە لسەر ملێن مە داکۆ ب ئازادیانە دەربرینکرنێ ژ رایا خۆ بکەین، دێ دەنگ ب لیستا ئارامى و ئاڤادانیێ دەم کۆ کوردستان بەرەڤ قوناغێن باشتر برى ب تایبەت پشتى روودانێن 16 ئێکتوبەرا 2017ێ، کۆ هەرێما کوردستانێ کەفتە دئابلوقەکا سیاسى و ئابۆریدا، بەلێ ب ئیرادا سەرکردایەتیا پارتى و پەیوەندیێن دبلوماسى یێن سەرۆکێ حکومەتا هەرێما کوردستانێ شیان وێ ئابلوقێ راکەن و جارەکا دیتر رەوشا کوردستانێ بەرەڤ ئیمناهیێ ڤە بەین، ژبەر ڤێ ئێکێ دێ دەنگ ب پارتى دیموکراتى کوردستان دەم".

کومەلا کورتە بالا، سالا 2012ێ ل دهۆکێ هاتیە دامەزراندن، ب پێنچ پشکان پێک دئێت و 220 ئەندامان بخوڤە دگریت.
kdp-