ئۆرسۆلا ڤۆنده‌رلاین، وه‌زیری به‌رگری ئه‌ڵمانیا له‌ هه‌ولێره‌وه‌ رایگه‌یاند: "پێویسته‌ پێشمه‌رگه‌ و ھێزه‌كانی دیكه‌ هه‌موو چه‌كێكیان پێبدرێت بۆ ئه‌وه‌ی به‌ره‌نگاری داعش بننه‌وه‌و كۆتاییان پێبهێنن".

وه‌زیری به‌رگری ئه‌ڵمانیا كه‌ ئێواره‌ی رۆژی یه‌كشه‌ممه‌ 16/9/2018 گه‌یشته‌ هه‌رێمی كوردستان، ئه‌مڕۆ له‌ كۆنگره‌یه‌كی رۆژنامه‌وانیدا و له‌ كاتی به‌سه‌ركردنه‌وه‌ی ناوه‌ندێكی مه‌شق و راهێنانی هێزه‌كانیان له‌ هه‌ولێر رایگه‌یاند: "پێشكه‌وتنی به‌رچاو له‌ هه‌رێمی كوردستان به‌دیهاتووه‌و هه‌رگیز ئه‌فسانه‌ی پێشمه‌رگه‌ له‌ تێكشكاندنی داعش له‌بیر ناكه‌ین".

ئۆرسولا گووتیشی، پێویسته‌ هاوكاری سه‌ربازی پێشكه‌شی هێزی پێشمه‌رگه‌ی كوردستان بكرێت. چونكه‌ ھێشتا ئایدۆلۆژیای داعش هه‌ر ماوه‌.









K24