ل ئامێدیێ ئاگر بهربو پاسهكا گهشتیاران
ئێڤاریا ئهڤرۆ ل سنورێ قهزا ئامێدیێ ئاگر بهربو پاسهكا گهشتیاران و (30) گهشتیار كهفتنه د مهترسیێ دا و د ئهنجام دا زیانهكا مهزن پهیدا بو.
عهمید ئیبراهیم محهمهد رهشید ، رێڤهبهرێ گشتى یێ بهرهڤانیا باژێرى ل دهوكێ دیاركرن: "ئێڤاریا ئهڤرۆل سنورێ قهزا ئامێدیێ ل دهوروبهرێن گوندێ (گوههرزێ) سهر ب ناحیا دێرالوكێ ڤه ژ نشكهكێ ڤه ئاگر بهربو پاسهكا گهشتیاران و زیانهكا مهزن پهیدا بویه".
ئهو چهنده دوپاتكر: "ئهو پاسه ژ جورێ (كوستهر) بویه و یا گهشتیاران بویه كو ژ ههولێرێ هاتبو سنورێ پارێزگهها دهوكێ و زێدهتر ژ (30) گهشتیاران د ناڤ وێ پاسێ دا بون و ههمو خهلكێ ناڤهراست و باشورێ عیراقێ بون ب مهرهما گهشتكرنێ قهستا كوردستان و پارێزگهها دهوكێ و دهوروبهرێن قهزا ئامێدیێ كربو".
گۆتژی: "ههمو كهسێن د پاسێ دا ب سلامهتن و هاتنه رزگار كرن و تیمێن مه ل وێ دهڤهرێ شیانه ئاگرى كونترول بكهن لێ ترۆمبێل ب تهمامى هاتیه سوتن و ههتا نها ڤهكولینا بهردهوامه و ئهگهرێ سوتنا وێ ترۆمبێلێ نههاتیه زانین".
bas news-
