یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) لە رۆژئاوای کوردستان، سەرەخۆشی لە کەسوکاری کوژراوانی سوپای رژێمی سووریا دەکات.


سەرلەبەیانیی رۆژی شەممە 8/9/2018 هێزێکی یەپەگە و سوپای رژێمی سورویا لە سەنتەری شاری قامیشلۆ رووبەڕووی یەک بوونەوە و ژمارەیەکی زۆری سەربازانی سوپای رژێم، کوژران.


رۆژی شەممە 15/9/2018، یەپەگە لە بەیاننامەیەکدا رایگەیاند، ”بەداخەوە“ شەڕێک لەنێوان شەڕڤانانی یەپەگە و سوپای رژێمی سووریا رووی دا.


یەپەگە هەروەها رایگەیاندووە، لایەنە پەیوەندیدارەکان دەستیان بە لێکۆڵینەوە کردووە و ئەنجامەکانی لێکۆڵینەوەکەش ئاشکرا دەکرێن و داواشی لە شەڕڤانان و سەربازەکان کردووە ئارامی بپارێزن و بەرژەوەندیی نیشتمانی پێش بخەن.


هەروەک لە بەیاننامەکەدا هاتووە، یەپەگە سەرەخۆشی لە کەسوکاری سەربازە کوژراوەکانی رژێمی سووریا کردووە.









باسنیوز