ژ بەر بۆردومانا فرۆكێن توركیا 36 گوندێن دھۆكێ هاتینە چۆلكرن
سەربەست ئاكرەیی، رێڤەبەرێ ناحیا كانی ماسێ دیار كر، بۆردومانا فرۆكێن توركیا ل سەر ئاخا هەرێما كوردستانێ و ناحیا كانی ماسێ ل سنوورێ قەزا ئامێدیێ، زیانێن مەزن ب خەلكێ دەڤەرێ گەهاندینە و هەتا نۆكە 36 گوند هاتینە چۆلكرن و ئەو گوندێن ماین ژی ژیان لێ گەلەك یا لاواز بوویە و خەلكێ وان گوندێن نەهاتینە چۆلكرن ژی ژ ترسا بۆردومانا فرۆكێن توركیا نەوێرن چو كاران بۆ خوە بكەن یان ژی بچنە سەر چەم و باغێن خوە.
ئاشكرا ژی كر كو مەزنترین زیانێن ژ ئەگەرێ بۆردومانێ ب كانی ماسێ كەفتین، 11 رۆژان ل دووڤ ئێك ئاگر بەرببوو دارستانا كانی ماسێ و ب كۆتەك هاتە ڤەمراندن و د ماوێ سێ سالێن بۆری ژی دا 500 هزار دۆنمێن ئەردی یێن دارستانا كانی ماسێ هاتینە سۆتن.
باسنيوز
