گەنج ددەنە خویاکرن، ژبۆ ژیانا ئارام و ئەولەهیەکا ب هێز دێ دەنگی دەینە لیستا ١٨٣ـێ یا پارتی دیموکراتی کوردستان، چونکە تاکە لیستە پشتەڤانێ گەلێ مە دکەت، و شیایە ببیتە بەرگریا ڕاستیەقینەیا گەل و وەڵاتی .

گەنجەکی دی ب ناڤێ، دیار حەجی، بۆ ماڵپەرێ فەرمیی یێ پارتی دیموکراتی کوردستان گۆت:'' پارتی دیموکراتی تاکە هێزە کو شیایی ببیتە دەنگێ راستەقینەیێ گەلێ مە و ژبۆ پشتەڤانیا پارتی ئامادەینە هەموو کار بکەین کو سەر بکەڤیت و ببییتە ئێکەما کوردستانێ.

دیار ژی کر، پشتەڤانیکرن و سەرکەفتنا پارتی د وێ یەکێ دایە کو کوردستانەکا ئاڤەدان و ئارام و ئەولەهی هەیە چونکە هەردەم پارتی خۆ ب خودانێ کوردستانێ زانیە و چوجاران ژبەر بەرپرسیارەتیێ نەڕەڤیە.

هەروەسان گەنجەکی دی ب ناڤێ عزەت دەرمان، بۆ ماڵپەرێ فەرمیی یێ پارتی دیموکراتی کوردستان گۆت:'' ئامادەینە پشتەڤانیا لیستا پارتی دیموکراتی کوردستان و دەنگ بدەینە لیستا ١٨٣ـێ چونکی پارتا ئێکێ یە کو سەرۆک و کادر و لایەنگرێن وێ د شەڕی داعشێ دا بوون و نەهێلان داعش بگەتە نافچەیێن مە.

دیار ژی کر، ژبۆ کو ئەم ب ئارام و دناڤ ژیانەکا خۆش کو چ گرۆپێن تیرۆری نەبنە هەرەشە ل سەر جڤاکا مە. دەنگێ مە بۆ لیستا ١٨٣ـێ یە.

پارتی دیموکراتی کوردستان ب دروشمێ ژبۆ ئاڤاکرنا کوردستانەکا ب هێز و ب لیستا ١٨٣ـێ پشکداری د هەلبژارتنان داکریە، و هەر بۆ ڤێ مەرەمێ ژی ١٠٠ کاندید ل سەرانسەری کوردستانێ هەینە.

گەنجەکی دی ب ناڤێ وەڵات عەبدوڵا، بۆ ماڵپەری فەرمیی یێ پارتی دیموکراتی کوردستان گۆت:'' ب دل و جان ل گەل پارتی دیموکراتی کوردستانین چونکە تاکە لیستا شیایی ببیتە خودانی کۆمەکا داستانان ئەوژی داستانا پردێ ومەحموودیە، و نەشیایی ئاخا مە بکەڤیتە دبن دەستێ دوژمنان دا.

ناڤهاتی گۆتژی:'' و پارتی هەردەم پێشەنگا سەربەخۆخۆازان بوویە و کوردستانێ ژ کنارێن بندەستیێ بەرەڤ کۆپیتیکێن سەربەخۆیێ دبەت و ریفراندۆم مەزنترین بەلگەیە کو پارتی موکڕە ل سەر سەربەخۆبوونا گەلێ مە.
kdp-