پشتى سه‌رۆكێ جڤاتا پارێزگه‌ها نه‌ینه‌وا (بشار كیكى) ده‌ست ژ كارێ خوه‌ كێشاى و بوویه‌ ئه‌ندامێ جڤاتا نوونه‌رێن عیراقێ، كه‌ساتیه‌كێ كورد یێ ئێزدى ب شێوه‌یه‌كێ فه‌رمى ل جهێ وى ده‌ستبكاربوو.



سه‌یدو چه‌تو، سه‌رۆكێ نوو یى جڤاتا پارێزگه‌ها نه‌ینه‌وا، دیار كر، بۆ ماوێ پتر ژ چوار سالانه‌ (بشار كیكى) سه‌رۆكێ جڤاتا پارێزگه‌ها نه‌ینه‌وا بوویه‌ و ئه‌ز وه‌كو ئه‌نداما جڤاتێ بوویمه‌، به‌لێ پشتى كیكى چوویه‌ په‌رله‌مانێ عیراقێ و ده‌ستبكاربووی، ئه‌ز هاتمه‌ هه‌لبژارتن وه‌كو سه‌رۆكێ نوو یى جڤاتا پارێزگه‌ها نه‌ینه‌وا و نها من وه‌كو كورده‌كێ ئێزدى كو بۆ جارا ئێكێ یه‌ ڤى پۆستى وه‌ردگریت ده‌ست بكارێ خوه‌ كریه‌.



سه‌یدو چه‌تۆ ئاشكرا كر، كو به‌رى نها ل جڤاتا پارێزگه‌ها نه‌ینه‌وا ئه‌ز سه‌رۆكێ كۆتلا برایه‌تى و پێكڤه‌ ژیانێ بوویمه‌ و نها من ژ نوو ئه‌ڤ پۆسته‌ وه‌رگرت و گۆت: ”هیڤیدارم بشێم د ماوه‌یێ بهێت دا خزمه‌تا كوردێن ئێزدى و خه‌لكێ مووسل هه‌موویێ بكه‌م“.
bas news-