ب مه‌به‌ستا پاراستنا گیانێ خه‌لكى و كێم بونا رویدانێن هاتن و چوونێ، هاتن و چوونا پارێزگه‌ها دهوكێ چه‌ندین رادار ل سه‌ر جاده‌یێن سه‌ره‌كى ل ناڤ باژارێ دهوكێ و ژده‌رڤه‌ى باژارى داناینه‌، لەزاتیا رادارەکێ ژی کێم کر.


عیماد عادل ژ رێڤه‌به‌ریا هاتن و چوونا ناحیا زاویته‌ ا دیاركرن ب مه‌به‌ستا پاراستنا گیانێ خه‌لكێ مه‌ و كێم بونا رویدانێن هاتن و چوونێ ل سه‌رانسه‌رى پارێزگه‌ها دهوكێ، رێڤه‌به‌ریا مه‌ چه‌ندین رادار ل سه‌رانسه‌رى دهوكێ كو ژ ناڤ باژێرى و ژ ده‌رڤه‌ ژى دانانه‌ و هه‌مو مه‌ره‌ما مه‌ كێم بونا له‌زاتیا ترۆمبیلانه‌ و گیانێ خه‌لكى پاراستى ب مینیت.


ئاماژه‌ بوێ چه‌ندێ ژیدا د چه‌ند رۆژێن بوریدا ، ل نێزیكى گوندێ (بێرسێ) ژ ده‌رڤه‌ى دهوكێ راداره‌كا هاتن و چوونێ هاتبو دانان و جێگیر كرن و ب له‌زاتیا (80) رادار هاتبو جێگیر كرن، لێ ژبه‌ر كو ئه‌و جهه‌ به‌رده‌وام له‌زاتیا ترۆمبێلان لێ دهێته‌ كرن له‌ورا رێڤه‌به‌ریا مه‌ ب فه‌ر دیت ئه‌وێ له‌زاتیێ و هژمارێ ژ (80) بو (60) كێم بكه‌ت، چونكه‌ ب كێمبونا پیڤه‌رێ ئه‌وێ له‌زاتیێ دێ بیته‌ ئه‌گه‌ر بو كێمبونا رویدانان و پاراستنا گیانێ هاولاتیان، ب رێكا باسنیوز خه‌لك و شوفێران ئاگه‌هدار دكه‌ین بو وێ رادارا نێزیكى گوندێ بێسرێ دڤێت شوفێر ژ پیڤه‌رێ دیاركرى كو (60) ه‌، ده‌رباز نه‌كه‌ت ئه‌گه‌ر به‌رۆڤاژى بیت و پێگریێ پێ نه‌كه‌ت دێ هێته‌ سزادان.


ناڤبرى نه‌ڤه‌شارت ژى ئه‌و كامیره‌ ژ سایدێ هاتنێ هاتیه‌ دانان ئانكو ژ زاویته‌ هاتن بو دهوكێ نێزیكى لێزڤرینا گوندێ بێسرێ هاتیه‌ دانان و هیڤیه‌ هه‌مو شوفێر ب رێنمایێن هاتن و چوونێ د پێگیر بن تاكو گیانێ وان نه‌كه‌ڤیته‌ به‌ر چ مه‌ترسیان.

bas news-