دهۆك.. پهرلهمانتارێن كورد بۆ خهلكێ بهسرا ل سهر جادێ راوهستیان
پهرلهمانتهرێن جڤاتا نوونهرێن عیراقێ ل گهل فهرمانبهرێن نفیسینگهها دهۆك یا جڤاتا نوونهران ل بهر دهرێ نفیسینگههێ وهك پشتهڤانى بۆ خهلكێ پارێزگهها بهسرا راوهستیانهكا ههفپشكى ئهنجام دا و تێدا بۆ ماوێ 10 خولهكان بێدهنگ راوهستیان وهك ههڤخهمى بۆ شههیدێن د خونیشاندانێن ڤان رۆژان دا ل بهسرا جانێ خوه كریه قوربانى ژ پێخهمهت ب دهستفهئینانا مافێن خوه یێن سهرهكى و ژ وانا نهبوونا ئاڤا فهخوارنێ یا ساخلهم.
دیار تهیب بهرواری، ئهندامێ جڤاتا نوونهرێن عیراقێ، دیار كر، ئهڤرۆ ل 6/9/2018 مه وهكو ئهندامێن جڤاتا نوونهرێن عیراقێ و فهرمانبهرێن نڤیسینگهها دهۆك بۆ ماوێ 10 خولهكان بێدهنگ راوهستیان وهك ههڤخهمى بۆ شههیدێن د خونیشاندانێن ڤان رۆژان دا ل بهسرا جانێ خوه كریه قوربانى، مه داخواز ژ حكوومهتا فیدرال و نافخۆیا یا بهسرا كر كو خوه ل داخوازیێن خهلكێ بهسرا بكهنه خودان و دیار كر كو داخوازیا ڤان مافێن رهوا و نیشانا لاوازى و بێخهمیا وان دیاردكهت بهرامبهر دابینكرنا ڤان مافێن سهرهكى د سالێن بۆرى دا.
زێدهتر گۆت: ”مه داكوكى ل سهر ههلویستێ جامیرانه یێ خهلكێ بهسرا كر دهما بێشوازی ل شۆرهشگێر و ههڤالێن بارزانی كرى ل دهمێ زفرینا وان بۆ وهلاتی ژ ئێكهتیا سوفیهتی ل سالا 1958، ههروهسا باس ل قوربانیا خهلكێ بهسرا كر كو ب خوینا خوه بهرهڤانى ژ وهلاتى كر د شهرێ دزێن تیرورێ دا و بۆ پاراستنا كهرامهت و شهرهفا هاولاتییێن عیراقێ“.
bas news-
