ژ ئه‌گه‌رێ وان ناكوكى و ئالوزیێن به‌رده‌وام دناڤبه‌را په‌كه‌كێ و سوپایێ توركیا دا ل سنورێن هه‌رێما كوردستانێ دا هه‌ى، رێڤه‌به‌ریا كاروبارێن مینا ل پارێزگه‌ها دهوكێ نه‌چار دبن چه‌ند تیم و كارمه‌ندێن خوه‌ ژ سنورێ قه‌زا ئامێدیێ ب ڤه‌كێشن

مه‌سعود مه‌لا شه‌فیق، رێڤه‌به‌رێ گشتى یێ كاروبارێن مینا ل پارێزگه‌ها دهوكێ، ئاشكرا كر: ”ناكوكى و شه‌رێ د ناڤبه‌را په‌كه‌كێ و سوپایێ توركیا بویه‌ ئه‌گه‌ر كارێ مه‌ ل چه‌ندین ده‌ڤه‌را ئالوز ب بیت و ب تایبه‌تى سنورێ قه‌زا ئامێدیێ چونكه‌ نها دا ئه‌و ده‌ڤه‌ره‌ یا پره‌ ژ مینێن رژێما به‌عسا ژ ناڤچوى و ئه‌م مژولى لێگه‌ریان وراكرنا وان مینانه‌ لێ بوردومانا فروكێن توركیا بو سه‌ر گوند و ده‌ڤه‌رێن سنورێ پارێزگه‌ها دهوكێ دبیته‌ ئه‌گه‌ر كارێ مه‌ بهێته‌ راوه‌ستاندن و ئالوز ب بیت“.

رێڤه‌به‌رێ گشتى یێ كاروبارێن مینا ل پارێزگه‌ها دهوكێ نه‌ڤه‌شارت ژى: ”دوهى ل رێكه‌فتى 5/9/2018 سوپایێ توركیا ب هێجه‌تا هه‌بونا بنگه‌هێن په‌كه‌كێ ل سنورێ (ناحیا كانى ماسێ) سه‌ر ب قه‌زا ( ئامێدیێ) ڤه‌ ، نێزیكى (9) توپ و گوله‌ هاونان هاڤێتینه‌ چه‌ندین جهان و نێزیكى (30) كارمه‌ندێن مه‌ كو (2) تیم بوون ل وان جهان كار دكر لێ د وان بوردومانان دا گیانێ كارمه‌ندێن مه‌ یێ ب سلامه‌ت بو لێ ترسه‌كا مه‌زن د دلێ وان دا دروست بویه‌ له‌ورا مه‌ داخاز ژ جهێن په‌یوه‌ندیدار كریه‌ ئه‌گه‌ر هه‌ماهه‌نگى ژلایێ حكومه‌تا مه‌ و سوپایێ توركیا نه‌هێته‌ كرن و ئه‌و ده‌ڤه‌ره‌ نه‌هێته‌ پاراستن و گیانێ كارمه‌ندێن مه‌ هه‌ر د مه‌ترسیێ دا بیت ئه‌م وه‌ك رێڤه‌به‌ریا كاروبارێن مینا ل دهوكێ نه‌چارین هه‌مو تیم و كارمه‌ندێن خو ل وان ده‌ڤه‌رێن دهێنه‌ بوردومانكرن ب ڤه‌گوهێزین و ل وان ده‌ڤه‌ران نه‌مینین چونكه‌ ئه‌م نه‌چار نینین گیانێ كارمه‌ندێ خوه‌ بكه‌ینه‌ قوربانى بوردومانا توركیا و په‌كه‌كێ“.










باسنيوز