بۆ ماوێ هەیڤەكێ یە هەشت كەس ل دهۆكێ د بەرزەنە
موقەدم هێمن سلێمان، پەیڤدارێ رێڤەبەریا پۆلیسێن پارێزگەها دهۆكێ دیار كر، ل نڤیسینگەهـ و رێڤەبەریێن پۆلیسیان ل گشت قەزایێن پارێزگەها دهۆكێ د ماوێ هەیڤەكێ دا سكالایا بەرزەبوونا سێ كەسان هاتینە تۆماركرن و نها پۆلیس دووڤچوونێ ل سەر بەرزەبوونا وان دكەن و نڤیسینگەها نەهێلانا گونەهباریان ب ڤێ یەكێ هاتینە تەرخانكرن بۆ پەیداكرنا وان هاوولاتیان.
ل گۆرەی وان وێنە و زانیاریێن د تۆرێن كۆمەلایەتی دا بەلاڤبووین، ب تنێ د ماوێ هەیڤەكێ دا هەشت هاوولاتیێن پارێزگەها دهۆكێ كو شەش ژ وان گەنجێن دهۆكێ نە و یێن دی دوو كچن د بەرزەنە و هەتا نها چو شوونوارێن وان د دیار نینن.
بەیار باڤی، ڤەكۆلەرێ جڤاكی ل قەزا زاخۆ دیار كر كو بەرزەبوونا هاوولاتیان ل پارێزگەها دهۆكێ بوویە دیاردە و پێدڤیە ب زووترین دەم پێداچوونەكێ تێدا بكەت و ئەڤە دیاردەكا جیهانی یە ژی و گۆتیشی: ئەڤە فاكتەرەكێ هاندەرە بۆ سنێلان ژی كو خوە بەرزەبكەن و هندەك كارێن نە رەوا ژێ پەیدا ببەن، یان ژی سنێلە و گەنج بچنە دەرڤەی وەلاتی.
باسنيوز
