به‌رپرسێ پشكا ساخله‌میێ ل رێڤه‌به‌ریا ڤێتێرنه‌ریا دهۆكێ راگه‌هاند، کو بۆ جه‌ژنا قوربانى یا ئه‌ڤ ساله‌ 21 هزار سه‌رێن په‌زى ل پارێزگه‌ها دهۆكێ دێ هێنه‌ سه‌ربڕین.



د. عه‌بدولره‌زاق ئێمینكى، به‌رپرسێ پشكا ساخله‌میێ ل رێڤه‌به‌ریا ڤێتێرنه‌ریا دهۆكێ، ، ل گۆره‌ى داتایێن ل به‌ر ده‌ستێ مه‌ ژ جهێن كرین و فرۆتنا ئاژه‌لى و سه‌ربرخانان گه‌هشتینه‌ به‌رده‌ستێ مه‌، هه‌تا نوكه‌ 21 هزار سه‌رێن په‌زى و گۆلكا هاتینه‌ فرۆتن و ئاماده‌كرن بۆ هندێ ل رۆژانێن جه‌ژنا قوربانى بهێنه‌ سه‌ربڕین و ره‌نگه‌ هه‌تا چه‌ند رۆژێن دى ئه‌ڤ هژماره‌ زێده‌تر ژى لێ بهێت.



ئاشكرا ژى كر، کو ژبلى رۆژانێن هه‌لكه‌فتان، هه‌یڤان دۆرێن 10 هزار سه‌رێن گۆلكا ل پارێزگه‌ها دهۆكێ دهێنه‌ سه‌ربڕین و بۆ ڤێ جه‌ژنێ ژى 21 هزار سه‌رێن په‌زى و گۆلكا دێ هێنه‌ سه‌رژێكرن و گۆتیشى: ل پارێزگه‌ها دهۆكێ 42 كۆمپانیان مۆله‌تا ئینانا گۆلكا ژ ده‌رڤه‌ى وه‌لاتى بۆ پارێزگه‌ها دهۆكێ هه‌نه‌ و نها 18 كۆمپانیێن دى ژى د قوناغا وه‌رگرتنا مۆله‌تێ دانه‌.

bas news-