ئەمڕۆ یەكشەممە دەست بە دابەشكردنی مووچەی مانگی 5ی فەرمانبەران كرا‌ و یەكەم وەزارەتیش كە مووچەی پێدرا وەزارەتی پێشمەرگە بوو.

بەپێی ئەو زانیارییانەی لە بەڕێوەبەرایەتی راگەیاندن ‌و پەیوەندییەكانی وەزارەتی دارایی هەرێمی كوردستان دراوەتە تۆڕی میدیایی رووداو، ئەمڕۆ یەكشەممە 5-8-2018 دەستكراوە بە دابەشكردنی مووچەی مانگی پێنجی فەرمانبەران ‌و لەو چوارچێوەیەشدا، مووچەی دیوان و لیواكانی وەزارەتی پێشمەرگە دابەشكراوە.

بەڕێوەبەرایەتی راگەیاندن ‌و پەیوەندییەكانی وەزارەتی دارایی ئەوەش دەخاتەڕوو کە لە رۆژانی داهاتوودا دابەشكردنی مووچە بەردەوام دەبێت، بۆ وەرگرتنی مووچەش بەپێی خشتەیەك وەزارت ‌و دەستە ‌و سەرۆكایەتییەكان لە رێگەی گەنجینەكانەوە ئاگادار دەكرێنەوە.

لە چوار مانگی رابردوو وەزارەتی دارایی لە رۆژی پێنجی مانگەوە مووچەی دابەشكردووە.