بەڕێوەبەرایەتیی پۆلیسی هەولێر، لە راگەیاندراوێکدا، ئاماژە بەوە دەدات کە هەر سێ رۆژی جەژن، هیچ کێشەیەک لەو شارە رووی نەدا.

ئەمڕۆ دووشەممە 18\6\2018، بەڕێوەبەرایەتیی پۆلیسی هەولێر، لە راگەیاندراوێکدا، لە پەیجی تایبەتیی خۆی (Hawler Police)، لە تۆڕی کۆمەڵایەتیی (فەیسبووک)، رای گەیاندووە: ”سوپاس بۆ خوا، سوپاس بۆ دانیشتوانی شاری هەولێری خۆشەویست، کەوا بەرێکردنی هەر سێ رۆژی جەژن، هیچ ڕووداوێکی ئەوتۆ، یاخود کێشەیەک رووی نەداوە کە شایەنی باسکردن بیت“.

پۆلیسی هەولێر، ئەوە خستووەتەڕوو: ”سوپاس و خۆشەویستیمان بۆ یەکە بە یەکەی هێزەکانی پۆلیس و ئاسایشی ناوەخۆ کە توانیان پلانە ئەمنیەکە بەسەرکەتوویی ئەنجامدەن“.

چەند رۆژێک بەر لە جەژن، بەڕێوەبەرایەتیی پۆلیسی هەولێر، لە پرێس کۆنفرانسێکدا، پلانی ئەمنی بۆ رۆژانی جەژن خستە روو.










باسنيوز