سەرۆک بارزانی لەبارەی ساڵڕۆژی دەستنیشانکردنی رۆژی ریفراندۆم، لە تویتێکدا، ئاماژە بەوە دەدات، کە ئەمڕۆ رۆژێکی مێژووییە.

ئەمڕۆ پێنجشەممە 7\6\2018، سەرۆک بارزانی، لە بارەی ڕۆژی دەستنیشانكردنی ڕۆژی ڕیفراندۆمەوە لە پێگەی فەرمیی خۆی، لە تۆڕی کۆمەڵایەتیی (تویتەر)، تویتێکی کردووە و رای گەیاندووە:" ئەمڕۆ ڕۆژێكی مێژووییە، ڕۆژی دەستنیشانكردنی ڕۆژی ڕیفراندۆمە“.

سەرۆک بارزانی، لە تویتەکەدا، ئەوەشی خستووەتەڕوو: ”سوپاس و پێزانینم بۆ ئەوانەی پەشیمان نەبوونەوە و خۆیان نەچەماند“.

ساڵى رابردوو، سه‌رۆك بارزانى، سه‌رپه‌رشتى كۆبوونه‌وه‌یه‌كى فراوانى لایه‌نه‌ سیاسییه‌كانى كرد و له‌ كۆبوونه‌وه‌كه‌دا بڕیاردرا رۆژى 25ى ئه‌یلوول ریفراندۆمی سه‌ربه‌خۆیى كوردستان ئه‌نجام بدرێت، کە لەو ریفراندۆمە رێژەی زیاتر لە 92% هاووڵاتیانی کوردستان، بە ناوچە کوردستانییەکانی دەرەوەی هەرێمی کوردستانیش دەنگیان بە بەڵێ دا.









باسنيوز