ئێزدیێن عهفرین ئاوارهیێ ههرێما كوردستانێ دبن
كاوه خهتارى، سهرۆكێ رێكخراوا جڤێن یا ئێزدیان د كارۆبارێن عهفرینى دا كاردكهت، دیاركر: "ههتا ئهڤرۆ پێنچ خێزانیێن ئێزدى گههشتنه ههرێما كوردستانێ ژوانا ژى سێ خێزان ل ههولێر ئاكنجی بوون و دو خێزان ژی ل شێخان ئاكنجی بوون. رهوشا ئێزدیان ژبهر گرۆپێن رادیكال ل عهفرین گهلهك تێكچوویه، 95% ئێزدى ل عهفرین نهماینه ههموو بهرهڤ لوبنان وئوسترالیا و توركیا وئورۆپا ئاواره بووینه".
خویا ژى كر: "گرۆپێن رادیكال ل عهفرینێ وهكو شنگال یێ كارهساتێ بسهرێ ئێزدیان دئینن، ئهو كارهساتا ل شنگال روودایێ ل عهفرینێ یا دهێته دووباره كرن، مهترسیا فهرمانا 75 ل عهفرینێ سهر ئێزدیان دروست بوویه".
ئاشكهرا كر، کو 22 گوندێن ئێزدیان ل عهفرینێ ههبوون و 200 هزار كهسێن ئێزدى لێ دژیان لێ نۆكه ههموو گوندێن ئێزدیان یێن هاتینه ڤالاكرن خهلك ژبهر گرۆپێن توند رهو ئاواره بووینه.
باسنيوز
