به‌ریا دروستبۆنا قه‌یرانا دارایى ل كوردستانێ هاولاتیان بۆ پێك ئینانا ژیانا هه‌ڤژینیێ و دروستكرنا خانی، سلفه‌كێ دیاریكرى ل حكومه‌تا كوردستانێ وه‌ردگرژن بۆ ته‌مام كرنا كارێن خوه‌ به‌لێ پشتى‌ قه‌یرانا دارایى هاولاتیێن سلف وه‌رگرتى، توشى ئاریشا زڤراندنا پارا بوینه‌ .

هه‌یڤ فواد رێڤه‌به‌را بانك و خانی ل ئاكرێ، راگه‌هاند: ”ب بریاره‌كا وه‌زاره‌تا دارایی، هه‌ر هاولاتیه‌كێ سلفێ هه‌ڤژینیێ و خانی و وه‌رگرتبیت، دڤێت ل ده‌مێ خوه‌دا ب زڤرینیت بۆ بانكێ ئه‌گه‌رنه‌زڤرینیت دێ هێته‌ سزادان به‌رامبه‌ر كوژمه‌كێ پاره‌ى“.

هه‌یڤ گۆت ژى: ”هاولاتى ب هه‌ر ناڤ و نیشانه‌كێ سلفه‌ وه‌رگرتبیت دڤێت ل ده‌مێ خوه‌ دا بزڤرینیت ڤه.‌ به‌لێ فه‌رمانبه‌رو پێشمه‌رگه‌ لبه‌ر قه‌یرانا دارایی جارێ هاتیه‌ راوه‌ستاندن. به‌لێ پشتى باش بونا ره‌وشا دارایى ل كوردستانێ سلفه‌ دێ ژ هه‌مو كه‌سا هێته‌ وه‌رگرتن كو پاره‌ ژ حكومه‌تێ وه‌رگرتبیت. هه‌یڤاهه‌ى پتر ژ ملیونه‌كێ غرامه‌ و سزا ژ هاولاتیان دهێته‌ وه‌رگرتن. هنده‌ك سالا سزاو غرامه‌ دگه‌هنه‌ 12 ملیون دینارا“.

ناڤبریێ ته‌كه‌ز كر. کو سالا 2015 ێ بریار هاتیه‌ دان كو ئه‌و هاولاتیێ فه‌رمانبه‌ر كه‌فیلێ وى بیت غه‌رامه‌و سزا ژبه‌ر موچێ وى ناهێته‌ برین به‌لێ ئه‌و كه‌سێ سلفه‌ وه‌رگرتى وه‌ك هاولاتى ئه‌گه‌ر ل ده‌مێ دیارى كرى نه‌زڤرینیت دێ هێته‌ سزادان ل گۆرێ پاشئێخستنا ده‌مێ ڤه‌گه‌راندنێ.













باسنيوز