سەرۆک بارزانی، لەگەڵ سەرۆکی ئیئتیلافی هێزە عێراقییەکان و شاندی یاوەری کۆبوویەوە.


ئەمڕۆ پێنجشەممە 31\5\2018، سەرۆک بارزانی، لەگەڵ جەمال كەربولی، سەرۆكی ئیئتیلافی هێزە عێراقییەكان و شاندێكی یاوەری کۆبوویەوە، لە دیدارەكەدا سەرۆكی ئیئتیلافی هێزە عێراقییەكان سوپاسی گەلی كوردستان و سەرۆك بارزانی كرد، كە لە چەند ساڵی ڕابردوودا سەدان هەزار لێقەوماوە و ئاوارەی عەرەبیان لە كوردستان پەنا داوە و ڕۆڵی سەرۆك بارزانی لەو بابەتەدا بەرز نرخاند.



هەر لەو كۆبوونەوەیەدا ئەگەر و پێشهاتەكانی ناو پڕۆسەی سیاسیی عێراق و قۆناغی دوای هەڵبژاردنی ئەنجوومەنی نوێنەران تاوتوێ كرا و ڕۆشناییش خرایە هەوڵەكانی پێكهێنانی حكوومەتی تازەی عێراقی و جەختیش لە پڕەنسیپی شەراكەت و تەوافوق لە پڕۆسەی سیاسیی داهاتووی عێراقدا كرایەوە.









باسنيوز