په‌یڤدارێ رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ راگه‌هاند، به‌رى ده‌مه‌كێ كێم، ل كه‌مپ خانكێ پێنچ خیڤه‌تێن ئاواره‌یان سۆتن و تێدا كچه‌كا 16 سالى جانێ خوه‌ ژ ده‌ست دا.



رائید بێوار عه‌بدولعه‌زیز، په‌یڤدارێ رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ بۆ دیار كر، به‌رى ده‌مه‌كێ كێم، ل گۆره‌ى پێشبینیان ژ ئه‌گه‌رێ شۆرته‌كێ كاره‌بێ، ل كه‌مپا خانكێ ئاگر به‌ربوو خیڤه‌ته‌كا ئاواره‌یان و پشتى هینگى چوار خیڤه‌تێن دى ژى ئاگر گه‌هشتێ و د ئه‌نجام دا پێنچ خیڤه‌ت ب كه‌لوپه‌ل ڤه‌ تمامى هاتنه‌ سۆتن و ژ ئه‌نجامێ ڤى ئاگرى كچه‌كا 16 سالى ژى هاته‌ سۆتن و گیانێ خوه‌ ژ ده‌ست دا.



ئاشكرا ژى كر كو ئاگر ژ لایێ تیمێن به‌ره‌ڤانیا باژێرى ڤه‌ هاته‌ كۆنترۆلكرن و ته‌رمێ وێ كچێ ژى بۆ نۆژداریا داد هاته‌ ره‌وانه‌كرن بۆ پشكنینێ.
bas news-