سەرۆک بارزانی لەگەڵ كاندیدەكانی لیستی ١٨٤ـی پارتی دیموكراتی كوردستان كۆبۆوە و رایگەیاند کە جەماوەری پارتی بە ئیرادەیەكی بەرز توانیان سەركەوتن بەدەست بهێنن و لە ئاستی كوردستان و عێراق و دەرەوەی وڵات پارتی حزبی یەكەم بووە و ئەوەیش بۆ ئەوە دەگەڕێتەوە كە پارتی خاوەنی قەزییەیە.


ڕۆژی دووشەممە ٢١ـی ٥ـی ٢٠١٨ لە سەلاحەددین سەرۆك مەسعوود بارزانی لەگەڵ گشت كاندیدەكانی لیستی ١٨٤ـی پارتی دیموكراتی كوردستان كۆبۆوە.

لەو كۆبوونەوەیەدا سەرۆك بارزانی وتەیەكی پێشكەش بە ئامادەبووان كرد و تێیدا ڕۆشنایی خستەسەر بارودۆخی سیاسی و هەروەها قۆناغی پێش ڕیفراندۆم و ڕووداوەكانی دوای ڕیفراندۆم و سوپاسی خۆڕاگریی پێشمەرگە قارەمانەكان و گەلی كوردستانی كرد لە قۆناغە سەخت و دژوارەكاندا.
kdp-