ئه‌ڤرۆ چوار شه‌مبیێ 16 ێ ئایارى ل گوندێ ماندیا ناڤبه‌را ناحیا بجیل و قه‌ندیل ل ده‌ڤه‌را ئاكرێ ترومبێله‌كا ژ جورێ پیكاب وه‌رگه‌ریا شه‌ش كه‌س بۆنه‌ قوربانى.



راید كاروان زێوه‌ر موفتى ، به‌رپرسێ راگه‌هاندنا هاتن و چونا ئاكرێ، راگه‌هاند: "ئه‌ڤرۆ ئێڤارێ ده‌مژمێر 5 لسه‌ر رێیا گشتیا ناحیا بجیل قه‌ندیل ترومبێله‌كا پیكاب تاك ژ جاده‌یێ ده‌ركه‌ڤت و وه‌رگه‌ریا د ئه‌نجام دا شه‌ش كه‌س بۆنه‌ قوربانى كو ژ ره‌گه‌زێ نێرن هه‌مو قوربانیێن رودانێ".



ناڤبرى گوتژى: "پشتى ترومبێل ژبن كنترولا شوفێرى ده‌ركه‌فتى وه‌رگه‌ریایه‌و سێ كه‌سا گیانێ خوه‌ ژ ده‌ستدایه‌ ئێكسه‌ر و سێ كه‌س ژى ب گرانى برینداربۆینه‌و هاتینه‌ ره‌وانه‌كرن بۆ نه‌خوشخانا ته‌نگاڤیا ئاكرێ".



ته‌كه‌ز كر"ئه‌گه‌رێ دروستبۆنا رودانى بۆ خه‌مسارى و تیژ لێخورینا شوفێرێ بۆیه‌ كو ژ سه‌ده‌م ئه‌ڤ رودانه‌ ردوست بۆیه‌ و شه‌ش كه‌س بۆنه‌ قوربانى".

bas news-