ئەندامێ مەکتەبا سیاسی یا پارتی دیموکراتی کوردستان ل باژارێ زاخۆ ژبۆ بانگەشەیا لیستا ١٨٤ گۆتارەک پێشکێشکر و گۆت:'' ئەو جهێ پارتی لی نەبیت، کوردستان یە بێ خودانە.''

مەسرور بارزانی گوت: زۆربەیا جاران پارتی ژبۆ ئێکڕیزیا نەتەوەی و نشتیمانی خۆ کریە قوربانی چونکە ئارمانجا پارتی خزمەتکرنا کوردستانێ و خەلکێ کوردستانێ یە ، بەلێ زۆر خەلکێ وێ هەی یێ ب وەفا نەبوو بۆ ئەو هەموو زەحمەت و قوربانیێن پارتی و ژنها و پێدا پارتی نابیتە قوربانی بۆ هیچ لایەنەکی یێ ب وەفا نەبیت بەرامەبر پارتی.

ناڤهاتی گۆتژی:'' دڤێت هووین ب دەنگێ خۆ سنوورەکی بۆ وان دانێن ئەوێن کوردستانێ و پێشمەرگەی دفرۆشن و ژبۆ بەرژەوەندی یێن خۆ و پلە وپۆستێن خۆ، بەلی ب دەنگێ وە ناهێلین ئەو پیلانێن وان سەربکەڤن.''

گوتژی:'' پارتی رێکێ نادەتت ئەو قیەم و ئەخلاقیت کوردستانی هەین بهێنە ژناڤبرن و هندی پارتی هەبیت دی کوردستان یە ئاڤەدان و سەرکەفتی بیت.

دیار ژی کر، سەرەرای کەموکوڕییان کو ل کوردستانێ هەی بەلێ سەحکەنە باژێرێه دی یێن ئیراقێ کو چەند کوردستان یە پشکەفتیە و ئەڤجا هووین ژی دەنگێ خۆ بدەنە وێ لیستێ یا پشتەڤانی ژی وە کری و خوینا خۆ رێتی د سەنگەرێن پێشیێ یێن شەڕی دا.

مەسرور بارزانی دیار ژی کر، ئەگەر دەستوور هاتبا جێبەجێکرن دی گەلەک تشت هاتبانە جێبەجێکرن بەلی مخابن ئەو دەستوورا نە هاتە جێبەجێکرن و نها ژی کاندیدێن مە دێ هەموو بزاڤان کەن وان بەندان جێبەجێ کەن و ئیک ژ وان بەندان ژی ماددێ ١٤٠ و دێ هەموو بزاڤان کەن شنگال و هەتا خانەقین بهێنە ڤەگەڕاندن بۆ کوردستانێ و ئەم واز ل ئیک بۆستا ئاخا کوردستانێ نائینین.

ئەندامێ مەکەتبا سیاسی یا پارتی گۆتژی:'' پیدڤیە بەغدا قەرەبوویا هەرێمی بکەت ئەگەرنا ئەم ب هیچ شیوەیەکی قەبوول ناکەین و نابینە پاشکۆیا کەسی، و یان دڤێت ئەم هەموو یەکسان بین ئەگەر نا بلا پشتی هنگی گازندا نەکەن.''
kdp -